Hollivud aktyoru Riçard Gir, Gir Fondu, İspaniyanın "HOGAR SÍ" təşkilatı və BMT-nin Məskunlaşma Proqramı ilə birgə Bakıda keçiriləcək WUF13-də evsizlik problemini gündəmə gətirir.
Aktyor Instagram-da paylaşdığı videoda mayın 21-də Bakıda nümayiş olunacaq "Heç kimin görmək istəmədiyi şey" sənədli filminin evsizlik mövzusuna həsr olunduğunu bildirib.
Riçard Gir qeyd edib ki, dünyada üç milyard insan adekvat mənzilə çıxış imkanına malik deyil, bir milyarddan çoxu qeyri-rəsmi yaşayış məntəqələrində yaşayır, 300 milyon insan isə evsizdir.
Film Riçard və Alexandra Girin evsiz qalmış insanlarla söhbətlərini əks etdirir. Aktyor vurğulayıb: "Mənzil bütün digər hüquqların təməlidir. Evsizlik qaçılmaz deyil, bu dərin bir ədalətsizlikdir."
