Milli Hidrometeorologiya Xidməti iyunun 2-nə gözlənilən hava şəraitini açıqlayıb.
Bakıda və Abşeron yarımadasında hava dəyişkən buludlu, arabir tutulacaq, əsasən yağmursuz keçəcək. Axşam qısamüddətli yağış ehtimalı var. Gecə və səhər bəzi yerlərdə duman olacaq. Şimal-qərb küləyi səhər güclənəcək, axşam mülayimləşəcək.
Havanın temperaturu gecə 15-18°, gündüz 19-23° isti olacaq. Atmosfer təzyiqi 758 mm civə sütununa enəcək, nisbi rütubət gecə 70-75%, gündüz 55-60% olacaq.
Rayonlarda hava əsasən yağmursuz, lakin səhər şimal və qərb rayonlarında bəzi yerlərdə arabir yağıntılı olacaq. Yağıntının qısamüddətli intensivləşməsi, şimşək çaxması, dolu düşməsi ehtimalı var. Gecə və səhər duman, qərb küləyi arabir güclənəcək.
Havanın temperaturu gecə 12-17°, gündüz 23-28° isti, dağlarda gecə 6-11°, gündüz 13-18°, bəzi yerlərdə 20-25° isti olacaq.
