İyunun 12-də hava şəraiti açıqlanıb. Bakı və Abşeronda dəyişkən buludlu, əsasən yağmursuz keçəcək. Gecə bəzi yerlərdə qısa müddətli yağış ehtimalı var.
Şimal-qərb küləyi gündüz güclənə bilər. Havanın temperaturu gecə 18-22°, gündüz 26-30° isti olacaq. Atmosfer təzyiqi 756 mm civə sütunu, rütubət gecə 70-75%, gündüz 45-50% təşkil edəcək.
Azərbaycan rayonlarında bəzi yerlərdə yağış, şimşək, dolu gözlənilir. Dağlıq ərazilərdə yağıntı intensivləşə bilər. Gecə və səhər duman olacaq. Temperatur gecə 17-21°, gündüz 29-34°, dağlarda gecə 8-13°, gündüz 17-22° isti olacaq.
