İyulun 8-də gözlənilən hava şəraiti açıqlanıb. Milli Hidrometeorologiya Xidməti məlumat yayıb.
Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Gündüz arabir tutulacaq, bəzi yerlərdə qısamüddətli yağış yağacağı gözlənilir. Şimşək çaxma ehtimalı var. Külək şimal-qərbdən cənub-şərqə dönəcək.
Hava temperaturu gecə 17-19°, gündüz 24-29° olacaq. Təzyiq 763 mm, rütubət gecə 65-75%, gündüz 55-60%.
Regionlarda hava bəzi yerlərdə yağıntılı olacaq, qısa müddətə intensivləşəcək, şimşək çaxacaq, dolu düşə bilər. Gecə və səhər duman olacaq. Şərq küləyi əsəcək.
Hava temperaturu gecə 16-19°, gündüz 26-31°, dağlarda gecə 7-12°, gündüz 14-19° (bəzi yerlərdə 21-26°) olacaq.
