Mayın 25-də gözlənilən hava şəraiti açıqlanıb.
Milli Hidrometeorologiya Xidmətinin məlumatına görə, Bakıda və Abşeron yarımadasında bəzi yerlərdə fasilələrlə yağış yağacağı gözlənilir. Yağışın qısa müddətə intensivləşəcəyi, şimşək çaxacağı ehtimalı var.
Cənub-şərq küləyi səhər mülayim şimal-qərb küləyi ilə əvəz olunacaq. Havanın temperaturu gecə 16-19°, gündüz 20-24° isti olacaq. Atmosfer təzyiqi 758 mm, nisbi rütubət 70-80% təşkil edəcək.
Azərbaycanın rayonlarında hava şəraitinin bəzi yerlərdə arabir yağıntılı olacağı gözlənilir. Ayrı-ayrı yerlərdə qısamüddətə intensiv və güclü olacağı, şimşək çaxacağı, dolu düşəcəyi, yüksək dağlıq ərazilərdə qar yağacağı ehtimalı var.
Gecə və səhər bəzi yerlərdə duman olacaq. Mülayim qərb küləyi bəzi yerlərdə arabir güclənəcək. Havanın temperaturu gecə 14-17°, gündüz 23-28°, dağlarda gecə 5-10°, gündüz 13-18°, bəzi yerlərdə 20-23° isti olacaq.
