Azərbaycanda mayın 16-da gözlənilən hava şəraiti açıqlanıb.
Milli Hidrometeorologiya Xidməti məlumat yayıb.
Bakıda və Abşeron yarımadasında hava dəyişkən buludlu olacaq, arabir tutulacaq. Gecə və səhər bəzi yerlərdə qısamüddətli yağış, şimşək ehtimalı var. Mülayim şimal-qərb küləyi arabir güclənəcək.
Havanın temperaturu gecə 15-18° isti, gündüz 19-24° isti, atmosfer təzyiqi 750-753 mm civə sütunu, nisbi rütubət gecə 70-75%, gündüz 55-65% olacaq.
Azərbaycanın rayonlarında bəzi yerlərdə arabir yağıntılı gözlənilir. Ayrı-ayrı yerlərdə intensiv, axşam şərq rayonlarında güclənəcək, şimşək, dolu, yüksək dağlıq ərazilərdə qar ehtimalı var. Arabir duman olacaq. Qərb küləyi bəzi yerlərdə güclənəcək.
Havanın temperaturu gecə 14-17° isti, gündüz 20-25° isti, dağlarda gecə 4-8° isti, gündüz 8-13°, bəzi yerlərdə 17° isti olacaq.
