Sabunçu rayonunda "narkomaniya yuvası" kimi tanınan ərazi təmizlənib. Sakinlər tərəfindən narkotik istifadəçilərinin toplaşdığı köşk-vaqon tipli tikili ilə bağlı tədbir görülüb.
Oxu.Az-ın məlumatına görə, tikilinin daxilində antisanitar şərait hökm sürüb, istifadə olunmuş şprislər və məişət tullantıları toplanıb.
Daxili İşlər Nazirliyinin Mətbuat Xidmətinin əməkdaşı Cəsarət Qənbərli bildirib ki, ünvana polis cəlb olunub, narkotik istifadəçilərinə qarşı tədbirlər görülüb. Antisanitar vəziyyət aradan qaldırılıb, ərazi polis nəzarətinə götürülüb.
