Səhiyyə Nazirliyi ilə sıx əməkdaşlıq edən "Sağlam radio" (93 FM) iki yaşını qeyd edir.
Ötən müddət ərzində radio dinləyicilərə etibarlı tibbi məlumatlar çatdırıb, sağlam həyat tərzini təşviq edib və əhalinin tibbi maarifləndirilməsinə töhfə verib. 93 FM-də yüzlərlə həkim, Səhiyyə Nazirliyinin ekspertləri və rəsmi nümayəndələri çıxış edərək vətəndaşların suallarını cavablandırıblar.
Bu gün "Sağlam radio" ölkədə səhiyyə sahəsində ixtisaslaşmış aparıcı media platformalarından biri kimi fəaliyyətini uğurla davam etdirir.
Oxu.Az kollektivi "Sağlam radio"nu və dinləyicilərini ikiillik yubiley münasibətilə təbrik edir, yeni uğurlar arzulayır.
