Naxçıvan Televiziyasının sabiq sədri, jurnalist Sahil Tahirli "Space" televiziyasında yeni vəzifəyə təyin edilib.
Oxu.Az-ın əldə etdiyi məlumata görə, Tahirli "Xəbərlər" departamentinin rəhbəri olub.
O, bu təyinatdan əvvəl "Hədəf" Şirkətlər Qrupunda media və ictimaiyyətlə əlaqələr üzrə müşavir işləyib.
13 il Naxçıvan Televiziyasına rəhbərlik edən Tahirli, həmçinin Naxçıvan Ali Məclisində Mətbuat və ictimaiyyətlə əlaqələr şöbəsinin müdiri, Naxçıvan Televiziya və Radio Şurasının sədri olub.
O, "Tərəqqi" medalı ilə təltif edilib.
Qeyd edək ki, ötən ay Ayaz Mustafayev "Space" TV-yə baş direktor təyin olunub. Yeni rəhbərlik kanalda idarəetməni təkmilləşdirir və fəaliyyəti müasir media çağırışlarına uyğunlaşdırır.
