Bakıda pilot tikinti layihəsi çərçivəsində sökülən evlərinin əvəzində sakinlər 5 ildir mənzil ala bilmirlər. Onlar Baku TV-nin qaynar xəttinə müraciət edərək şikayətlərini bildiriblər.
Nərimanov rayonu, Ceyhun Hacıbəyli küçəsindəki "Olimpus Park" və "N-Turan" MMC tərəfindən həyata keçirilən layihədə sakinlər 2020-ci ildə müqavilə bağlayıb. Razılaşmaya əsasən, 24 ay ərzində yeni mənzil verilməli və kirayə pulu ödənilməli idi. Lakin nə mənzil, nə də kirayə pulu vaxtında çatdırılıb.
Sakinlərdən biri: "Binanı nə tikib təhvil verirlər, nə də kirayə pulumuzu ödəyirlər. Bizi aldadıblar", - deyə bildirib. İcra Hakimiyyəti şirkətə xəbərdarlıq edib.
