Şamaxının mərkəzi küçələrindən Səttar Bəhlulzadə küçəsinin sakinləri yol problemindən əziyyət çəkirlər.
Sakinlər bildiriblər ki, sel suları və leysan yağışları küçənin infrastrukturunu tamamilə sıradan çıxarıb.
“Burada iki dəfə yıxılmışam, ayağım və qolum sınıb. Küçə o qədər bərbaddır ki, təcili yardım avtomobilləri buraya girə bilmir”, - deyə sakinlərdən biri qeyd edib.
Cəlil Məmmədquluzadə küçəsində də asfalt örtüyünün olmaması hərəkəti məhdudlaşdırır.
Şamaxı Rayon İcra Hakimiyyətindən bildirilib ki, yolların asfaltlanması mərhələli şəkildə davam edir.
