Böyük Britaniyanın aparıcı kino nəşri "Screen International" jurnalının may buraxılışının üz qabığı Azərbaycana həsr edilib.
Jurnalda Azərbaycanda kino istehsalına dair islahatların nəticəsi olan geri ödəniş (cash rebate) mexanizmi haqqında məlumat verilib.
Nazirlər Kabinetinin 2025-ci il 4 iyul Qərarına əsasən, film istehsalı xərclərinin 25 faizi geri qaytarılır. Mədəniyyət meyarlarına cavab verildikdə əlavə 15 faiz ödənilir. Beləliklə, istehsalçı xərclərin 40 faizinə qədərini geri ala bilər.
Jurnal may buraxılışını 79-cu Kann Film Festivalına həsr edib. Azərbaycan festivalda milli stendlə təmsil olunur.
"Screen International" 1889-cu ildə təsis edilib, 1975-ci ildən indiki adla nəşr olunur.
