Sabiq nazir Səlim Müslümovun üzərinə həbs qoyulmuş mənzillərindən biri yenidən hərraca çıxarılır. Bu, dördüncü cəhddir və qiymətə 25% endirim tətbiq edilib.
İqtisadiyyat Nazirliyi yanında Əmlak Məsələləri Dövlət Xidməti mənzili iyunun 16-da keçiriləcək hərracda satışa çıxaracaq.
Mənzil Bakı, Yasamal rayonu, Mirzə İbrahimov küçəsi, ev 53, mənzil 108 ünvanında yerləşir. Sahəsi 370.4 kv.m, start qiyməti 694 687.5 manat, beh məbləği 69 468.8 manatdır.
Qeyd edək ki, Müslümovun cinayət işi üzrə həbs qoyulmuş əmlaklarına Bakının müxtəlif rayonlarında mənzillər, qeyri-yaşayış sahələri və torpaq sahələri daxildir.
