Sığortaolunanların uçotu artıq yalnız şəxsiyyət vəsiqəsinin FİN nömrəsi ilə aparılacaq. Bu gündən qüvvəyə minən qanunvericilik dəyişiklikləri sosial sığorta nömrəsinin (SSN) tələbini aradan qaldırır.
Əmək və Əhalinin Sosial Müdafiəsi Nazirliyi bildirib ki, bundan sonra işə qəbul zamanı və ya rüblük hesabatlarda SSN göstərmək lazım olmayacaq. Əvəzində FİN əsas götürüləcək.
Dəyişikliklər inzibati prosedurları sadələşdirir, məlumat mübadiləsini sürətləndirir və elektron sistemlər arasında inteqrasiyanı gücləndirir. Bu, sosial sığorta sahəsində innovativ həllərin tətbiqinə xidmət edir.
