Mayın 6-sı saat 11:00-a olan faktiki hava açıqlanıb.
Milli Hidrometeorologiya Xidmətinin məlumatına görə, ölkənin bəzi bölgələrində arabir şimşək çaxır, yağış yağır, Şahdağda isə qar müşahidə olunur.
Bakıda və Abşeron yarımadasında səhər saatlarından yağıntılı hava qeydə alınır.
Yağıntının miqdarı Lerikdə 8 mm, Zaqatalada 6 mm, Qax, Tovuzda 4 mm, Sədərək, Gədəbəy, Ağstafa, Ceyrançöldə 3 mm, Lənkəran, Astara, Yardımlı, Altıağac, Şəki, Balakəndə 2 mm, Quba, Daşkəsən, Şahdağ, Şamaxı, Qobustan, Qusar, Xaçmaz, İmişli, Xaltan, Şabran, Göyçay, Zərdab, Kürdəmir, Sabirabad, Şahbuz, Kəlbəcər, Laçın, Qubadlı, Şuşa, Xankəndi, Xocalı, Füzuli, Ordubadda 1 mm-dək olub.
Neft daşları, Balakən, Daşkəsən, Altıağac, Qusar, Göygöl, Şəki, Şamaxı, Xaltanda duman müşahidə olunur, görünüş məsafəsi 500 m-dək məhdudlaşır.
Havanın maksimal temperaturu Bakıda və Abşeron yarımadasında 19, Naxçıvan MR-də 27, Aran rayonlarında 23, dağlıq rayonlarda 16 dərəcəyədək isti qeydə alınıb.
