2025-ci ildə kənd təsərrüfatı subsidiyalarına 280 milyon manat ayrılıb. Hər il 400 mindən çox fermer subsidiya alır. Bəs bu vəsait nə dərəcədə effektivdir?
Maliyyə Nazirliyinin sənədinə görə, subsidiyaların artmasına baxmayaraq, məhsul istehsalı azalıb. Məsələn, 2024-cü ildə tərəvəz subsidiyası 42.3% artsa da, istehsal cəmi 0.7% artıb. Kartof subsidiyası 8.2% artsa da, məhsul 8.2% azalıb.
Üzüm və çay subsidiyaları da artıb, lakin istehsal azalıb. Heyvandarlıqda da buzov subsidiyasına rəğmən mal-qara sayı azalıb.
İqtisadçı Xalid Kərimli deyir: "Subsidiya sistemi yalnız xərcləri kompensasiya edir, inkişafa xidmət etmir. Ciddi islahatlar lazımdır."
