Konstitusiya Məhkəməsinin sabiq sədr müavini Sona Salmanova vəkillik fəaliyyətinə başlayıb. O, Vəkillər Kollegiyasının üzvlüyünə qəbul olunaraq and içib.
Uzun illər hüquqşünas kimi çalışan Salmanova 1998-ci ildə Konstitusiya Məhkəməsinin hakimi, 2005-ci ildə isə sədr müavini təyin edilib. 2025-ci ildə bu vəzifədə səlahiyyətlərini başa vurub.
Sona Salmanova Ədliyyə Nazirliyi Penitensiar Xidmətin sabiq rəis müavini, ədliyyə general-mayoru Hüseyn Əlixanovun həyat yoldaşıdır. Hüseyn Əlixanov 2004-cü ildən ədliyyə orqanlarında xidmət edib, 2007-2018-ci illərdə Penitensiar Xidmətin rəis müavini olub.
General Əlixanovun adı 2018-ci ildə məhbusların xüsusi təyinatlı qatar vaqonundan qaçması ilə gündəmə gəlmişdi. Hadisədən sonra vəzifəsindən azad edilmişdi.
