Psixoloq Fərqanə Mehmanqızı uşaqların sosial şəbəkələrdən istifadəsinin onların psixologiyasına və fiziki sağlamlığına mənfi təsir göstərdiyini bildirib.
O qeyd edib ki, sosial şəbəkələrdə yaş həddi olmadığı üçün uşaqlar lazımsız məlumatlarla qarşılaşır və bu onların şüuruna təsir edir.
Psixoloq bildirib ki, sosial şəbəkələr uşaqlarda hərəkətsizliyə səbəb olur, fiziki inkişafı ləngidir və onların sosiallaşmasına mane olur.
Valideynlərə uşaqların sosial şəbəkələrdən istifadəsinə nəzarəti gücləndirmək tövsiyə olunur.












