Milli Məclis komitələrinin birgə iclasında müzakirə edilən qanun layihəsinə əsasən, 16 yaşdan kiçik şəxslərin sosial şəbəkə platformalarında hesab yaratması qadağan edilir.
Provayderlər üçün yeni tələblər və qayda pozanlara böyük cərimələr nəzərdə tutulur.
Deputat Ceyhun Məmmədov bildirib ki, sosial medianin gənclərə təsiri qlobal müzakirə mövzusudur və bir çox ölkələr artıq tənzimləmə addımları atıb.
Psixoloq Gülnar Orucova isə valideynlərin məlumatsızlığını vurğulayıb: "Valideynlər uşaqlarını sakitləşdirmək üçün telefon verir, lakin bu, piylənmə kimi problemlərə səbəb olur."
O, qadağadan sonra valideynlərin öz adına hesab açaraq uşaqlara verəcəyini düşünür.
