Bakıda qiyməti on milyonlarla manat olan torpaq sahələri satışa çıxarılıb.
Elan saytlarına nəzər saldıqda Bilgəhdə 39 hektar torpaq 58.5 milyon, Ulduz metrosu yaxınlığında 300 sot 40 milyon, Dərnəgül yaxınlığında 350 sot 38 milyon manata təklif edilir.
Ən yüksək sot qiyməti İçərişəhər metrosuna yaxın ərazidə qeydə alınıb: 2.2 sot torpağın bir sotu təxminən 1 milyon manatdır.
Badamdar, 28 May və Xətai stansiyaları ətrafı da bahalı torpaqlar sırasındadır.
Qiymətləndiricilər Cəmiyyətinin sədri Vüqar Oruc bildirib ki, torpaq qiymətləri təbii və davamlı olaraq artır. Torpaq uzunmüddətli investisiya kimi cəlbedicidir.
