"MiniBoss Business School Baku"nun direktoru Alina Xələfova Oxu.Az-a açıqlamasında milli startap çempionatının hesabat xarakterli olduğunu bildirib.
O qeyd edib ki, bu 8 illik bir məktəbdir və hər ilin sonunda şagirdlər bir startapla çıxış edirlər.
Direktorun sözlərinə görə, startap şagirdlərin il ərzində əldə etdikləri nəzəri biliklərin təcrübədə tətbiq olunması üçün lazımdır: "Həm uşaqların səhnə bacarıqları nümayiş olunur, həm bilik bazası və təcrübələri artır."
O, az yaşda səhnədə yüzlərlə insan qarşısında çıxış etməyin böyük bir bacarıq olduğunu vurğulayıb. Münsiflər heyəti layihələri 4 meyar üzrə qiymətləndirir: mənfəətlilik, innovativlik, sosial mediada işıqlandırma və suallara cavab vermə bacarığı. Ən yüksək balı mənfəətlilik gətirir.
