Prezident İlham Əliyevin tapşırığına əsasən, işğaldan azad edilən torpaqlara Böyük Qayıdış sürətlə davam edir.
Bu gün Cəbrayıl rayonunun Şükürbəyli kəndinə növbəti köç karvanı yola salınıb.
Köç edən ailələr respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış vətəndaşlardır.
Bu mərhələdə Şükürbəyli kəndinə 119 ailə - ümumilikdə 535 nəfər köçürülüb.
Doğma yurda qayıdan sakinlər Prezident İlham Əliyevə və Birinci vitse-prezident Mehriban Əliyevaya dövlət qayğısına görə təşəkkür ediblər.
Onlar həmçinin torpaqlarımızı azad edən Azərbaycan Ordusuna minnətdarlıq edib, şəhidlərə rəhmət diləyiblər.
