Cənab Prezidentə bizə bu günü yaşatdığı üçün təşəkkür edirəm.
Oxu.Az xəbər verir ki, bunu Cəbrayıl rayonunun Şükürbəyli kəndinə qayıtmağa hazırlaşan keçmiş məcburi köçkün Dilbazi Mironova deyib.
O bildirib ki, Cəbrayıl rayonundan 14 yaşında çıxmaq məcburiyyətində qalıb: "Amma indi övladlarım və yoldaşımla birlikdə qayıdıram. Allah şəhidlərimizə rəhmət eləsin, qazilərimizə can sağlığı versin. Əsas odur ki, torpaqlarımıza qayıdırıq, qalanı da yaxşı olacaq. Ən çox bunu arzulayırdıq. İnşallah, orada daha yaxşı yaşayacağıq".
