Mayın 12-də Sumqayıt Dövlət Universitetində WUF13 Festivalı çərçivəsində məlumatlandırma sessiyası keçirilib.
Tədbirdə Sumqayıt Şəhər İcra Hakimiyyətinin sektor müdiri Fərman Kazımov şəhərin tarixi və inkişafı barədə danışıb. O, son 10 ildə şəhərsalma sahəsində yenilikləri vurğulayıb.
Dövlət Şəhərsalma və Arxitektura Komitəsinin nümayəndəsi Ramiz İdrisoğlu işğaldan azad edilmiş ərazilərdə quruculuq işlərindən bəhs edib. Qarabağ və Şərqi Zəngəzurda 8 şəhərin baş planı və 101 kəndin şəhərsalma əsaslandırılması təsdiqlənib.
WUF13 Azərbaycan Əməliyyat Şirkətinin kommunikasiya üzrə meneceri Emin Huseynzadə forum barədə ətraflı məlumat verib. İştirakçılar həm əyani, həm də onlayn qoşula bilər. Ətraflı məlumat www.wuf13.az saytında.
Festival axşam Göyərçin parkında ictimai proqramla davam edib. Proqramda interaktiv fəaliyyətlər, maarifləndirici oyunlar və müzakirələr olacaq.
