Energetika naziri Pərviz Şahbazov bildirib ki, süni intellekt və məlumat mərkəzlərinin inkişafı elektrik enerjisinə tələbatı sürətlə artırır. Mövcud elektrik şəbəkələri bu artıma tam hazır deyil.
Nazir 31-ci Bakı Enerji Forumunda çıxışı zamanı qeyd edib ki, əsas məsələ təkcə istehsal gücünün yaradılması deyil, həm də şəbəkələrin enerjini qəbul etməyə hazır olmasıdır.
O vurğulayıb ki, Mərkəzi Asiya-Azərbaycan Yaşıl Enerji Dəhlizi layihəsi bu sahədə mühüm addımdır. Bu layihə çərçivəsində Azərbaycan, Qazaxıstan və Özbəkistan prezidentləri strateji tərəfdaşlıq sazişi imzalayıb.
Transxəzər enerji dəhlizinin yaradılması Avropa ilə Asiyanı birləşdirən Orta Dəhlizin yaşıl enerji körpüsü kimi inkişafına imkan verəcək. Azərbaycan 2035-ci ilədək bərpaolunan enerji mənbələrinin payını 43 faizə çatdırmağı hədəfləyir.
