Bakıda keçiriləcək Ümumdünya Şəhərsalma Forumu (WUF13) çərçivəsində nəqliyyat monitorinqi aparılacaq. 13 may saat 10:00-14:00 arası bir sıra küçə və prospektlərdə müvəqqəti tənzimləmələr tətbiq olunacaq.
Monitorinq Neftçilər prospekti, Yusif Səfərov küçəsi, Heydər Əliyev prospekti (Sabunçu körpüsünə qədər), Mehdi Hüseyn küçəsi, Xocalı prospekti, Rixard Zorge küçəsi, Zərifə Əliyeva küçəsi, Lermontov küçəsi və Bakı Olimpiya Stadionu istiqamətlərini əhatə edəcək.
Sürücülərdən səfərlərini əvvəlcədən planlaşdırmaları, sıxlığı nəzərə alaraq alternativ yollardan istifadə etmələri xahiş olunur.
Hava limanı ilə şəhər mərkəzi arasında "H1" ekspres avtobus marşrutu normal fəaliyyət göstərəcək. Fərdi nəqliyyat vasitələri və taksilər alternativ yollarla hava limanına sərbəst daxil ola biləcək.
