Azərbaycanda bəzi şəxslərdən sürücülük vəsiqəsi tələb olunmayacaq.
Oxu.Az-ın "Qanun nə deyir?" rubrikasında bu gün avtonom nəqliyyat vasitəsinə nəzarət edən şəxslərdən sürücülük vəsiqəsinin tələb olunmaması müzakirə edilir.
Qanunvericiliyə "avtonom nəqliyyat vasitəsi" anlayışı daxil edilir. Milli Məclisdə müzakirəyə çıxarılan layihəyə əsasən, avtonom nəqliyyat vasitələri insan müdaxiləsi olmadan və ya minimal müdaxilə ilə hərəkət edə bilən vasitələrdir.
Avtonom nəqliyyat vasitəsinin avtomatlaşdırılmış idarəetmə sisteminin fəaliyyətinə nəzarət edən şəxslərdən sürücülük vəsiqəsi tələb olunmayacaq. Lakin texniki parametrlər imkan verirsə, birbaşa idarəetmə zamanı müvafiq kateqoriyalı sürücülük vəsiqəsi tələb olunur.
