Daxili İşlər Nazirliyinin Nəqliyyatı İntellektual İdarəetmə Mərkəzi sürücülərə müraciət edib.
Məlumata görə, paytaxt yollarında maddi zərərlə nəticələnən qəzaların əksəriyyəti sürücü diqqətsizliyindən baş verir. Xüsusilə mobil telefondan istifadə qəza riskini artırır.
Mərkəz bildirir ki, sükan arxasında telefonla danışan sürücü qırmızı işıqda, tıxacda və ya qəza anında maneəni vaxtında görə bilmir. Nəticədə ölüm, xəsarət və ya maddi zərər qaçılmaz olur.
DİN bütün sürücüləri yollarda diqqətli olmağa və məsuliyyətli davranmağa çağırır.
