Bu gün Azərbaycanda tibb işçilərinin peşə bayramıdır. Həkimlər, həmşirələr və digər səhiyyə işçiləri bu günü qeyd edir.
Ümummilli lider Heydər Əliyevin 2001-ci il 4 iyunda imzaladığı sərəncama əsasən, hər il 17 iyun tibb işçilərinin peşə bayramı kimi qeyd olunur.
Bayramın tarixi Azərbaycan Xalq Cümhuriyyəti dövrünə gedib çıxır. 1918-ci il 16 iyunda Xudadat bəy Rəfibəyli ilk səhiyyə və sosial təminat naziri təyin edilib.
Son illər səhiyyə sistemində islahatlar aparılıb. Tibb müəssisələrinin maddi-texniki bazası gücləndirilib, icbari tibbi sığorta tətbiq edilib, yeni diaqnostika mərkəzləri tikilib.
COVID-19 pandemiyası və 44 günlük Vətən müharibəsi dövründə tibb işçiləri böyük fədakarlıq göstərib. 44 tibb işçisi şəhid olub, 159 nəfər yaralanıb.
