Ötən gün Tovuzda baş verən yol qəzasında xəsarət alanların son vəziyyəti məlum olub.
TƏBİB-dən Oxu.Az-a verilən məlumata görə, 27 iyun saat 17:10-da Tovuz Rayon Mərkəzi Xəstəxanasına üç kişi xəstə hospitalizasiya edilib.
Onlardan ikisinin bədənində çoxsaylı travmalar aşkarlanıb, lazımi tibbi yardım göstərilib və sonra öz istəkləri ilə özəl xəstəxanaya köçürülüblər.
2006-cı il təvəllüdlü digər şəxsə isə travmatik şok, qapalı kəllə-beyin travması, döş qəfəsi və bədənin digər nahiyələrinin əzilməsi diaqnozu qoyulub. Reanimasiya tədbirlərinə baxmayaraq, saat 18:00-da ölüm qeydə alınıb.
