Bir qrup vətəndaş Baku TV-nin qaynar xəttinə müraciət edərək "Rivo Travel" adlı tur şirkəti tərəfindən aldadıldıqlarını bildirib.
Şikayətçilərə görə, tur üçün ödəniş edildikdən sonra təşkilatçılarla əlaqə kəsilib. Təyin olunmuş vaxtda nə nəqliyyat vasitəsi gəlib, nə də şirkətlə əlaqə saxlamaq mümkün olub.
İlkin Abdullazadə qeyd edib ki, onlar 8 nəfərlik qrup şəklində "Instagram"da "Rivo Travel" səhifəsinə müraciət ediblər. Şirkət endirim təklif edib və ümumi məbləğ 137 manat olub. Ödəniş kartla həyata keçirilsə də, təşkilatçılar tanınmır.
Vəkil Qasım Şaliyev bildirib ki, pul ödənildikdə müqavilə münasibətləri yaranır. Vətəndaşlar məhkəməyə müraciət edərək zərərin ödənilməsini tələb edə bilərlər. Buraya ödənilən məbləğ, nəqliyyat xərcləri və mənəvi zərər daxildir.
