Türkiyə, Bakı Davamlılıq Koalisiyasının daimi iqlim dialoqu platformasına çevrilməsini dəstəkləyir.
Oxu.Az xəbər verir ki, bu barədə Türkiyənin ətraf mühit, şəhərsalma və iqlim dəyişikliyi nazirinin müavini Hasan Suver Bakıda keçirilən WUF13 çərçivəsindəki iclasda bildirib.
Nazir müavini qeyd edib ki, iqlim dəyişikliyi artıq təkcə ekoloji problem deyil, kompleks çağırışdır. Bu, şəhər təhlükəsizliyinə, infrastruktur dayanıqlığına, ərzaq və su təhlükəsizliyinə təsir göstərir.
"Türkiyə, Bakı Koalisiyasını COP29, WUF13 və COP31 arasında strateji əlaqələndirici xətt kimi qəbul edir. Koalisiya daimi dialoq platforması olmalı və niyyətləri praktik layihələrə çevirməlidir", - deyə o vurğulayıb.
