Türkiyə vətəndaşı Metin Şare, evlənmək məqsədilə tanış olduğu qadına və onun yaxınlarına 67 min manat göndərdikdən sonra küçədə qaldığını bildirir.
Baku TV-yə danışan 49 yaşlı Şare, qadının istəyi ilə müxtəlif şəxslərin adına pul köçürdüyünü, sonra isə Azərbaycana gəldiyini deyir: "Evimi, maşınımı satıb gəldim. Bir ev göstərdilər, 23 min manata razılaşdıq. Pulları aldıqdan sonra isə məni təhdid edib ölkəni tərk etməyi dedilər".
Qadın tərəf isə ittihamları rədd edir. Ayşə Orucova, Şare-nin onu təhdid etdiyini, bıçaq çıxardığını və pulu geri tələb etdiyini iddia edir.
Daxili İşlər Nazirliyi bildirir ki, Şare polisə müraciət edib, lakin sonra qarşı tərəfin 1300 manat qaytarması ilə şikayətçi olmadığını deyib.
