Ötən gün Ucar rayonunda elektrik enerjisinin verilməsində fasilələr yaranıb. Bu barədə Oxu.Az-a müraciət daxil olub.
Məlumata görə, fasilələr həm rayon mərkəzi, həm də ətraf yaşayış məntəqələrində müşahidə olunub.
"Azərişıq" ASC-dən Oxu.Az-ın sorğusuna cavab olaraq bildirilib ki, fasilə hava şəraiti ilə bağlı olub. Güclü külək və fırtına elektrik xətlərinə zərər vurub.
"Ötən gecə əsən güclü külək Ucar Elektrik Şəbəkəsinin bəzi ərazilərində qısamüddətli fasilələrə səbəb olub. Ağac budaqlarının və gövdələrinin qırılaraq xətlərin üzərinə aşması nəticəsində enerji təchizatı pozulub. Qəza briqadaları operativ təmir-bərpa işləri apararaq qısa müddətdə fasilələri aradan qaldırıb", - deyə məlumatda qeyd olunub.
