Azərbaycan daxili işlər naziri Vilayət Eyvazov Gürcüstanın daxili işlər naziri Sulxan Tamazaşvilini qəbul edib. Görüş zamanı əməkdaşlıq və təhlükəsizlik məsələləri müzakirə olunub.
DİN-in məlumatına görə, mayın 18-də Gürcüstan nümayəndə heyəti Fəxri xiyabanda Ulu Öndər Heydər Əliyevin məzarını ziyarət edib. Qonaqlar həmçinin Şəhidlər xiyabanında “Əbədi məşəl” kompleksinə əklil qoyublar.
Nazir Vilayət Eyvazov həmkarını təbrik edib və iki ölkə arasında əməkdaşlığın yüksək səviyyəsini vurğulayıb. Transmilli cinayətkarlıq və kibertəhlükəsizlik sahələrində birgə fəaliyyətin əhəmiyyəti qeyd olunub.
Sulxan Tamazaşvili səmimi qəbul üçün təşəkkür edərək Azərbaycanın sürətli inkişafından məmnunluğunu bildirib. Səfər çərçivəsində qonaqlar Daxili Qoşunların hərbi hissəsini də ziyarət ediblər.
