İmişli Rayon İcra Hakimiyyətinin korrupsiya cinayətləri ilə məhkum edilmiş keçmiş başçısı Vilyam Hacıyevin müsadirə edilmiş avtomobillərinin qiyməti ucuzlaşdırılıb.
Oxu.Az "Qafqazinfo"ya istinadən xəbər verir ki, "Range Rover" və "BMW 740İ" üç dəfə satışa çıxarılsa da, alıcı tapılmayıb. İcra məmuru dördüncü hərracı 25% endirimlə keçirəcək.
Belə ki, "Range Rover" 56 min manatdan 42 min manata, "BMW" isə 23 min manatdan 17 250 manata endirilib. Yalnız "Bentley Continental GT" üçüncü hərracda 65 min manatdan 58 500 manata satılıb.
Xatırladaq ki, "Range Rover"i Vilyam Hacıyevin oğlu Məhəmməd Hacıyev, "BMW"ni isə həyat yoldaşı Cülyetta İbrahimova sürüblər.
