17-22 may 2026-cı il tarixlərində Bakıda keçiriləcək Ümumdünya Şəhərsalma Forumunun On Üçüncü Sessiyasında (WUF13) iştirak edəcək şəxslərə akkreditasiya kartları 14 maydan etibarən veriləcək.
Akkreditasiya və Qeydiyyat Mərkəzi Bakı Olimpiya Stadionunda yerləşir və iştirakçıların qeydiyyatı, akkreditasiyası və məlumatlandırılması prosesini vahid şəkildə təmin edir.
Mərkəz 14-16 may tarixlərində 09:00-18:00, 17-21 mayda 07:00-18:00, 22 mayda isə 07:00-15:00 arası fəaliyyət göstərəcək.
İştirakçılar, rəsmi nümayəndələr və qonaqlar 14-22 may arası mərkəzə yaxınlaşaraq qeydiyyatdan keçib kartlarını ala bilərlər.
Onlayn qeydiyyatdan keçənlər elektron poçtlarına göndərilən unikal qeydiyyat nömrəsi və şəxsiyyət sənədi ilə kartlarını əldə edə bilərlər. Azərbaycan vətəndaşları şəxsiyyət sənədi, xaricilər isə pasport təqdim etməlidir.
Tədbir günlərində yerində qeydiyyat da mümkün olacaq. İştirakçılara əvvəlcədən onlayn qeydiyyat tövsiyə olunur. Onlayn qeydiyyat üçün son tarix 15 may saat 18:00-dır.
