Bakıda keçirilən 13-cü Ümumdünya Şəhərsalma Forumu (WUF13) həm iştirakçı sayı, həm də Azərbaycanın beynəlxalq nüfuzu baxımından mühüm əhəmiyyət kəsb edir.
Siyasi elmlər doktoru, professor Hikmət Babaoğlu Oxu.Az-a açıqlamasında bildirib ki, 176 ölkədən 57 min iştirakçı bir araya gəlib.
“Bu, təkcə statistika deyil, 176 ölkənin Azərbaycana münasibətinin göstəricisidir”, – deyə professor qeyd edib.
WUF13 COP29-dan sonra Azərbaycanda ikinci ən böyük beynəlxalq tədbir oldu. Forum çərçivəsində Liderlərin Sammiti və Nazirlər Görüşü keçirildi.
Bakı Şəhər Mükafatı təsis edildi. “Nəfəs Alan Şəhərlər naminə Bakı Çağırışı” kommünikesi qəbul olundu.
Professor vurğulayıb ki, forum Azərbaycanın şəhərsalma təcrübəsini və tarixi-mədəni irsini dünyaya tanıtdı.
“Prezident İlham Əliyev çıxışında qədim Qəbələ, Qafqaz Albaniyası, Şirvanşahlar dövləti və Əcəmi Naxçıvaninin memarlıq məktəbindən bəhs etdi”
