17-22 may 2026-cı ildə Bakıda keçiriləcək Ümumdünya Şəhərsalma Forumunun 13-cü sessiyası (WUF13) öncəsi nəqliyyat monitorinqi aparılacaq.
Mayın 13-də saat 10:00-14:00 arası bir sıra küçə və prospektlərdə müvəqqəti tənzimləmələr olacaq.
Monitorinq Neftçilər prospekti, Yusif Səfərov küçəsi, Heydər Əliyev prospekti (Sabunçu körpüsünə qədər), Mehdi Hüseyn, Xocalı, Rixard Zorge, Zərifə Əliyeva, Lermontov küçələrini və Bakı Olimpiya Stadionu istiqamətini əhatə edəcək.
Sürücülərə səfərlərini əvvəlcədən planlaşdırmaq və alternativ yollardan istifadə etmək tövsiyə olunur.
Hava limanı-şəhər marşrutu üzrə "H1" ekspres avtobusu normal fəaliyyət göstərəcək. Fərdi avtomobillər və taksilər alternativ yollarla aeroporta daxil ola bilər.
WUF13 öncəsi monitorinq əvvəlki qlobal tədbirlərdə də uğurla tətbiq olunub.
