Mayın 22-də Bakıda WUF13 çərçivəsində yüksəksəviyyəli sessiyalar keçirilib. Forumda şəhərsalma, iqlim dəyişikliyi və dayanıqlı inkişaf məsələləri müzakirə olunub.
Forumun son günündə qadınların dəyirmi masası, minatəmizləmə sessiyası və işğaldan azad olunmuş ərazilərin bərpası ilə bağlı panellər təşkil edilib.
WUF13-ün ən mühüm nəticəsi “Bakı Fəaliyyətə Çağırış” sənədinin qəbulu olub. Sənəd qlobal mənzil böhranının həlli üçün çağırış edir.
Forumda 176 ölkədən 58 mindən çox iştirakçı qeydə alınıb. İştirakçıların 55%-i qadınlardır.
Növbəti WUF 2028-ci ildə Mexiko şəhərində keçiriləcək.
