Bu gün Bakıda Ümumdünya Şəhərsalma Forumunun 13-cü sessiyası (WUF13) işə başlayır.
Tədbir BMT-nin Məskunlaşma Proqramı (UN-Habitat) və Azərbaycan Hökumətinin birgə təşkilatçılığı ilə keçirilir. Forum mayın 22-dək davam edəcək.
“Hər kəs üçün yaşayış yerləri: Təhlükəsiz və dayanıqlı şəhərlər və yaşayış məskənləri” mövzusuna həsr olunan sessiyada şəhərlərin gələcəyi, dayanıqlı inkişaf, iqlim çağırışları və insan rifahı müzakirə olunacaq.
42 mindən çox şəxs qeydiyyatdan keçib. Forumda bir çox ölkə lideri və yüksəksəviyyəli şəxslər iştirak edəcək. Azərbaycanın təşəbbüsü ilə Liderlər Zirvəsi keçiriləcək.
İlk gün: Yeni Şəhərsalma Proqramı üzrə nazirlər görüşü, Qadınlar, Yerli hökumətlər, İcma, Uşaq-gənclər və Biznes assambleyaları keçiriləcək.
Həmçinin Qlobal Su Operatorlarının Tərəfdaşlıq Alyansı (GWOPA) görüşü ilk dəfə WUF çərçivəsində təşkil olunur.
