BMT-nin Ümumdünya Şəhərsalma Forumunun 13-cü Sessiyası (WUF13) ikinci gününü başa vurub.
Oxu.Az xəbər verir ki, ikinci gün rəsmi açılışdan öncə mətbuat konfransı ilə başlayıb.
Konfransda WUF13-ün məqsəd və prioritetləri müzakirə olunub, suallar cavablandırılıb.
Daha sonra Assambleyaların birgə yekun iclası və "Urban Expo Sərgisi"nin rəsmi açılışı gerçəkləşib.
Günün ikinci yarısında isə WUF13-ün rəsmi açılış mərasimi keçirilib.
Azərbaycan Prezidenti İlham Əliyev və birinci xanım Mehriban Əliyev tədbirdə iştirak ediblər.
Prezident İlham Əliyev və UN-Habitat icraçı direktoru Anaklaudia Rossbax qonaqları qarşılayıblar.
Qarşılanmadan sonra birgə foto çəkilib.
UN-Habitat tərəfindən hazırlanmış videoçarx nümayiş etdirilib və mədəni proqram təqdim olunub.
Sonra Azərbaycan Prezidenti çıxış edib.
Rəsmi hissədən sonra ilk dəfə olaraq Liderlər Sammiti keçirilib.
Müxtəlif ölkə liderləri və rəsmi şəxslər sammitdə çıxış ediblər.
Qeyd edək ki, WUF13 UN-Habitat və Azərbaycan Hökumətinin birgə təşkilatçılığı ilə keçirilir.
"Hər kəs üçün yaşayış yerləri: Təhlükəsiz və dayanıqlı şəhərlər" mövzusundakı forum mayın 22-dək davam edəcək.
