Bakıda 17-22 may tarixlərində keçiriləcək Ümumdünya Şəhərsalma Forumunun 13-cü sessiyası (WUF13) çərçivəsində könüllülər ictimai nəqliyyatdan pulsuz yararlana biləcək.
Oxu.Az "Report"a istinadən xəbər verir ki, forum müddətində yalnız WUF13 könüllüləri paytaxtın ictimai nəqliyyat xidmətlərindən ödənişsiz istifadə edəcək.
Qərar tədbir iştirakçılarının hərəkət rahatlığını təmin etmək məqsədi daşıyır.
Bütün qeydiyyatdan keçmiş iştirakçılar üçün Heydər Əliyev Beynəlxalq Aeroportu ilə şəhər nəqliyyat mərkəzləri arasında xüsusi avtobuslar fəaliyyət göstərəcək. Tədbir məkanına nəqliyyat xidmətləri də ödənişsiz olacaq.
