Bakıda keçiriləcək Ümumdünya Şəhərsalma Forumunun 13-cü sessiyası (WUF13) iştirakçıları üçün pulsuz avtobus xətti fəaliyyətə başlayıb.
17-22 may tarixlərində baş tutacaq tədbir zamanı "Koroğlu" Nəqliyyat Qovşağı gücləndirilmiş rejimdə işləyəcək. Xüsusi "K1" servis avtobusu 24/7 rejimində "Koroğlu" qovşağı ilə Bakı Olimpiya Stadionu arasında hərəkət edəcək.
"K1" marşrutu "Koroğlu" Nəqliyyat Qovşağındakı Avtobus Nəqliyyat Mübadilə Mərkəzinin "4A" perronundan başlayır. Akkreditasiyadan keçmiş iştirakçılar bu xidmətdən ödənişsiz yararlana bilər.
Akkreditasiya kartı olmayanlar isə qeydiyyat təsdiq məktubunu təqdim etməklə pulsuz gediş əldə edə bilərlər. Bu nəqliyyat həlli iştirakçıların tədbir məkanına rahat və təhlükəsiz çatmasını təmin edəcək.
