21 may 2026-cı il tarixində WUF13 çərçivəsində Azərbaycana səfər edən xarici media nümayəndələri üçün Medianın İnkişafı Agentliyi və WUF13 Azərbaycan Əməliyyat Şirkətinin birgə təşkilatçılığı ilə Şamaxıya mediatur təşkil edilib.
Mediatur çərçivəsində ilk olaraq Şamaxı Cümə məscidi ziyarət edilib. 743-cü ildə inşa edilən bu qədim məbəd Azərbaycan, Cənubi Qafqaz və Yaxın Şərqdə ən qədim müsəlman məbədlərindəndir. Əsrlər boyu zəlzələlərə baxmayaraq, tarixi əhəmiyyəti qorunub saxlanılıb.
Daha sonra media nümayəndələri "Meysəri" şərabçılıq kompleksinə səfər ediblər. Burada əlverişli iqlim və torpaq analizləri yüksək keyfiyyətli üzüm sortlarının yetişdirilməsinə imkan yaradır.
Sonda qonaqlar Dəmirçilər kəndini ziyarət ediblər. XV əsrə aid olan bu kənd qədim dəmirçilik ənənələri ilə tanınır.
