Bakıda keçirilən Ümumdünya Şəhərsalma Forumunun (WUF13) nəqliyyat təminatı üçün çəkilən müvəqqəti xüsusi zolaqlar tədbir bitdikdən sonra ləğv ediləcək.
AYNA-dan verilən məlumata görə, mayın 23-dən etibarən avtobus zolağını bildirən 5.9 yol nişanları yığışdırılacaq. Həmin zolaqlar qüvvədən düşəcək və sürücülər onlardan istifadə edə biləcək.
Lakin Mehdi Abbasov küçəsindəki xüsusi zolaq qüvvədə qalacaq. Bu qərar Nəqliyyatı Əlaqələndirmə Şurası tərəfindən verilib. Məqsəd ictimai nəqliyyatın maneəsiz hərəkətini təmin etməkdir.
Sürücülərdən yol nişanlarına diqqət etmələri və qaydalara riayət etmələri xahiş olunur.
