Zaqatalanın Fındıqlı kənd sakininin hekayəsi hər kəsə ibret oldu. 42 il ömür yoldaşı olan Nərminəni itirən Abdulməcid Ziyadov, yas mərasimi üçün ayrılan pulu kənd qəbiristanlığına aparan yolun təmirinə xərclədi.
Baku TV-nin məlumatına görə, Ziyadov bu addımı həm sevgisini göstərmək, həm də insanlara fayda vermək üçün atdığını bildirib. O, yolun bərbad vəziyyətdə olduğunu, cənazə aparmağın belə çətin olduğunu vurğulayıb.
Kənd sakinləri də bu addımı yüksək qiymətləndirib. Onlar qeyd ediblər ki, yağışlı havada gölməçələr əmələ gələn yol indi rahat vəziyyətdədir. Abdulməcid Ziyadov gələcəkdə mərhum yoldaşının xatirəsinə artezian quyusu qazdırmağı da planlaşdırır.
