Bu gün Xankəndi, Xocavənd, Şuşa, Cəbrayıl, Xocalı və Ağdərəyə növbəti köç karvanları yola salınıb.
Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam edir.
Kərkicahan qəsəbəsinə 8 ailə (34 nəfər), Hadrut qəsəbəsinə 4 ailə (15 nəfər), Şükürbəyliyə 7 ailə (28 nəfər), Böyük Qaladərəsinə 3 ailə (14 nəfər), Ballıcaya 2 ailə (7 nəfər), Badaraya 2 ailə (5 nəfər), Xanabada 2 ailə (5 nəfər), Həsənrizə 13 ailə (53 nəfər), Çıldırana 13 ailə (53 nəfər), Vəngliyə 4 ailə (23 nəfər) köçürülüb.
Köçənlər müvəqqəti məskunlaşdıqları yerlərdən doğma yurdlarına qayıdırlar.
Sakinlər dövlət qayğısına görə Prezident İlham Əliyevə və Birinci vitse-prezident Mehriban Əliyevaya təşəkkür edib, Azərbaycan Ordusuna minnətdarlıqlarını bildiriblər.
