Mayın 30-da Xankəndi şəhərində iki gün davam edən çay və qəhvə festivalı atəşfəşanlıqla başa çatıb.
Bərpa, Tikinti və İdarəetmə Xidmətinin məlumatına görə, 20-dən çox yerli və xarici şirkət iştirak edib. Qonaqlara müxtəlif çay və qəhvə növləri təqdim olunub.
Festival yerli sakinlər və qonaqlar tərəfindən böyük maraqla qarşılanıb.
Tədbirin məqsədi çay və qəhvə mədəniyyətini təbliğ etmək, yerli istehsalçıları tanıtmaq və Xankəndinin sosial-mədəni həyatını canlandırmaqdır.
