Bakının Xətai rayonunda yaşayış binasında liftin illərdir yararsız vəziyyətdə qalması sakinləri narahat edir.
Oxu.Az-ın qaynar xəttinə edilən müraciətə görə, Xaliq Əzizzadə küçəsi, bina 4, 6-cı blokdakı lift 5 ildir işləmir.
Sakinlər deyir ki, hər il təmir vəd edilir, amma heç nə dəyişmir.
Xətai Rayon İcra Hakimiyyəti problemi təsdiqləyib: "Lift hissə-hissə bərpa olunur. Bu bina da plana daxil edilib, ilin sonuna kimi həll olunacaq".
